KVARTS STEINN

Kvarts steinn er unnin steinafurð. Við framleiðslu kvarts steinsins er nýtt það besta úr kvartsi með því að mylja steininn niður, blanda í hann litar- og bindiefnum áður en steinninn er svo aftur pressaður saman. Útkoman er afar slitsterkt efni með lokaðra yfirborð en hefðbundinn náttúrusteinn. Kvarts steinninn er til í ýmsum litaafbrigðum og með mismunandi kornastærðum. Hann hentar því afar vel í borðplötur. Einnig er kvarts steinn hentugur sem gólf- og veggefni.
Ávallt skal nota pottalepp þegar leggja þarf heita hluti frá sér á steininn eins og potta og pönnur.